四（十九日）本澳中文報紙嘅頭版頭條，可用一句「各有各精彩」形容。所謂「各有各精彩」實際上只係各家報館採用不同內容嘅新聞做頭條而已。這種「頭條分散性」嘅情況之所以出現，實則表明當日無大新聞發生，天下太平也。頭版頭條雖然不相同，但各家報紙卻有一個相同版位相同內容嘅聲明廣告。咦，雖然係廣告，但好有新聞性噃。聲明廣告嘅標題係《對土地工務運輸局回應名門世家項目「依法審批」的質疑》。內容係講述土地工務運輸局對「發起組織」回應過於迅速而暗含對公眾利益造成損失嘅事情。聲明話：「土地工務運輸局回應速度之快，與我們委托文斯慧大律師在今年五月底及六月九日兩次向該局要求取得有關該項目批給過程及其法理依據的文件，但至今仍未獲任何回覆的效率明顯有太大區別，令人質疑政府有偏袒發展商之嫌，方便其繼續施工做成的既成事實，從而壓制居民的權益。」

＊頭版頭條內容「各自各精彩」之外，連頭版二條各報亦不盡相同。《正報》以區錦新質詢有關當局批地給發展商建油站事件作為二條。　內容係講述區錦新議員聲稱，前運輸工務司司長歐文龍曾經安排一批油站用地免公開競投批給，條件是獲批者出售的油品必須低於市場價格，這些油站現時已相繼落成及投入使用，並主要集中在北區，但是否以特別低廉的價錢供應燃油就成為疑問。區錦新去信當局索取資料，要求了解批出這類油站土地數目及經營情況，燃油售價是否與其他油站有差距………。　其實唔使問阿貴，免競投批地興建嘅油站所出售嘅油與市價相同或相差甚微，斷唔會大幅度低於市價嘅。因為市場現象會講俾我哋聽………倘有關油站所出售嘅燃油係大幅度低於市價，每日都會出現打晒困籠嘅車龍等候入油也。但係從未有報紙報道，影到油站前面排晒車龍嘅場面噃。
其實前高官咁做法，只係方便利益輸送，搵公家老襯而已。