周小記讀罷本報頭條文章《庸官劣吏繼續尸位／尊貴議員依舊胡混》，不無感慨。回歸九年了，我們特區官員可有寸進？而被張司長說成「垃圾會」的立法會議政、立法水平可有分毫提高？答案是：「沒有，且有劣質化嘅傾向。」

　　了空大師在其專欄《聚焦鏡》中提到早前（五月三十日）立法會議事殿堂上出現兩幕活劇，劇情如下。

　「在上周五立法會所出現的兩幕場景的對比鮮明，於開始議程前發言時段因區錦新「惹火發言」而被一眾議員踴躍回擊，氣氛熱烈。可是在進入正式議程時段，當中一般性討論及表決《選民登記法》，和《行政長官選舉法》的兩法案時，卻只有兩把微弱的聲音，這可就是討論法案，這可是關乎我們澳門政治生活的法案，怎麼大部分議員竟無聲音表達呢？政府提出這兩份法案是否完全符合民意訴求、符合澳門發展需求、符合現代文明政治發展要求、符合「三公一民一廉」原則呢？」

　「令人相當疑惑的是，理應代表民意的議會，對一位議員的議程前發言之不滿，一眾議員可以花時間和動氣地作出抨擊，似誓要爭回一個說法，但是對於澳門重大利益悠關的兩個選舉法案竟是沉默無聲。這是甚麼議會文化？」

　　作為一位心地善良嘅澳門市民睇到呢啲咁嘅鬧劇又點唔會心噏呢？正如了空大師云：「這是甚麼議會文化？」

＊其實果日立法會上演兩幕鬧劇，可以令市民睇清楚我地嘅議會質素，我哋尊貴嘅，特別係官委議員嘅水平。好似那位官委楊議員嘅發言真係好離譜，連一啲基本議事規矩，議員職責係乜都唔知道。辯論轉換命題，偷概念，根本就係強詞奪埋荒謬到唔恨，咁低質素嘅人都可以委任為立法議員，真係掉晒澳門人嘅架。

　　楊議員發言怎荒謬？有心嘅讀者不妨查閱區錦新喺六月四日在《澳門勞動報》上寫嘅一篇文章《區錦新回應「被圍攻」一事》或者上網  http://my paper.com.tw/ news. mlbw/ 亦可睇到。

　　楊議員發言中所偷換概念係，將區錦新宣誓效忠的「澳門特區」換成「澳門特區政府」，而將「政府」概念只局限於「執行權」方面。其實議員嘅天責係監察政府，特別係「執行權」，而唔係向政府歌功頌德、猛咁擦鞋。楊議員自己放棄議員嘅職責唔在講，而且還要禁止或者批評別的議員監督同埋批評政府。

　　至於作為立法會主席個日嘅表現亦認真唔稱職，任由啲「尊貴議員」向「草根議員」作人身攻擊亦唔制止。要知道在議會上作人身攻擊嘅言論係嚴重破壞議事規則也。

　　某議員責罵區錦新為「斯文敗類」呢句話已經係嚴重嘅「人身攻擊」喇。連小記都知道喇，喺立法會議事殿堂上只係準議事，提質詢或批評某些觀點都可以，但唔能夠攻擊人身也。