日最大單嘅本地新聞係銀河娛樂勁炒本地員工二百七十人，導致就業市場震盪，社會不安。近期，發生而對我哋生存環境、社會和諧產生重大深遠影響嘅係《勞動關係法》嘅制訂問題。

　　前一件事可謂一葉知秋：澳門嘅就業市場很可能出現大逆轉，由近年嘅事求人，變成咗人求事，即係由人資不足，變成咗人力過剩。其實莊荷人手過剩，賭業內某些部門人力資源過多，理論上應在去年底出現，比銀河炒人早半年。理論上出現而實際未於半年前炒人，是僱主仍在觀察，未下決心採取行動而已。當內地收緊訪澳自由行嘅信號已清晰，中央對澳門賭業過分膨脹，產業適度多元趑趄不前，發出擔憂嘅信號，連澳門人也感受深刻之時，賭業老闆摺起冇效率、無經濟效益嘅賭場乃事在必行，咁樣炒人裁員自是難免。

＊《勞動關係法》在小記心目中係除咗《基本法》之外，最重要關符澳門前途 ，我哋嘅生存環境同埋我哋嘅社會和諧嘅大法律也。但呢一部咁重要嘅法律嘅制訂過程、諮詢、推廣工作等等政府好唔重視社會上嘅討論也只係冷冷清清。被勞工界指責〈工作文本〉比〈最初文本〉大倒退嘅問題亦未引起輿論嘅重視，我哋社會既欠缺為公眾利益仗義執言嘅公共知識分子，而大部分傳媒只識趨炎附勢。咁嘅氛圍，社會怎會進步，社會成員嘅福祉邊會提升？